විප්ලවය රාත්‍රී භෝජන සංග්‍රහයක් නොවේ!සංකේත පියාට තද වෙයි! දීප්ති ගෙන් සුමිත් චාමින්ද ලීලාරත්නට ප්‍රහාරයක්!!
අනුන් ශිෂ්ට කරන්නට යන්නා පළමුව තමා ශිෂ්ට විය යුතු නොවේද?
දීප්ති සුමිත් චාමින්ද ට ප්‍රහාරයක් එල්ල කොට තිබේ. සුමිත් චාමින්ද ගේ සයිබර් මැරකම් පිළිබඳ මෑතදී විවේචන එල්ල වූ සුමිත් චාමින්ද ට මැරකම් පුහුණු කළේ තමා වන හෙයින් ඔහු ආරක්ෂා කිරීමට දීප්ති සුමිත් චාමින්ද වෙනුවෙන් පෙනී සිටියේය. නමුත් දැන් තම වෙබ් අඩවියේ අලෙවිය පවත්වා ගැනීමට සහ ගෝල බාලයින් සතුටින් තබා ගැනීම අවශ්‍ය හෙයින් සුමිත් චාමින්ද ට පහර දීමට දීප්ති තීරණය කොට තිබේ.
දීප්ති හිතා ඉන්නේ තමා ලේකම් ධූරය දැරූ x කණ්ඩායම විප්ලවවාදී පක්ෂයක් කියායි. දීප්ති හිතා ඉන්නේ විප්ලවය යනු රාත්‍රී භෝජන සංග්‍රහයක් කියාය. ඔහු තම කාඩර්වරුන් පුහුණු කර ඇත්තේ රාත්‍රී භෝජන සංග්‍රහයක් සඳහා බව පෙනෙයි.
එම පක්ෂයට කාඩර්වරයන් පුහුණු කිරීමට දීප්ති කළ දේවල් සුමිත් චාමින්ද මෙසේ විස්තර කොට ඇත: දෛනික ක්‍රියාකරකම් තුළදී ආහාර ගන්නා ක්‍රමය, පවුල ශිෂ්ඨ සම්පන්න කිරීම, දරුවන් ශික්ෂණය කිරීම, නිවාසය පිළිවෙලට තබා ගැනීම, ඇදුම් සහ සෙසු පාරිභෝගික භාණ්ඩ තෝරා ගැනීම, පෙම් වතියට වෙස් මුහුණක් තනා දීම (දීප්තිට නම් අලුතින් වෙස් මුහුණු අවශ්‍ය නැත. උපතින් ගෙනා එක තිබේ.) , නිවසේ තීන්ත ගෑම, මිදුලේ මල් වැවීම, දුරකථන පණිවිඩ වලට සවන් දීම.
මෙය අපට සිහිපත් කරන්නේ සරසවි සිසුන්ට soft skills මෘදු නිපුණතා පුහුණු කරන්නේ යැයි කියන එස්.බී. දිසානායක ගේ නායකත්ව පුහුණුව යි. දීප්ති ගේ finishing school නැතහොත් සමාජයට කලඑළි බැස්වීමට හුරු කරන පාසලේ හැඳි ගෑරුප්පු වලින් කෑම ගැනීම, දොරට තට්ටු කොට කාමරයට ඇතුළු වීම, ‘එක්ස්කියුස් මී‘ ‘ප්ලීස්‘ ‘නෝ තෑන්ක් යූ“ යනාදී ඉංග්‍රීසියෙන් etiquette යනුවෙන් හැඳින්වෙන ආචාර සමාචාර විධි සහ වත් පිළිවෙත් උගන්වනු ලැබේ. ගමේ ගොඩේ තරුණ තරුණියන් ඊට ඇදී යාම අපට සිතා ගත හැකිය. නමුත් මුදල් ටිකක් වියදම් කරන්නට හැකිනම් ශිෂ්ට පසුබිමක් ඇති පුහුණු කරුවන්ගෙන් ඒවා ඉගෙන ගැනීමට අවස්ථාව සමාජයේ තිබේ. එම පාසැල් වල පාඨමාලා විස්තර මෙබඳුය: Personality Development, Gentlemen Etiquette, Dining Etiquette, Extra mile Etiquette, Social Etiquette, Children / Teenager Etiquette.
දීප්ති සිතන්නේ මේ යුගයේ විප්ලවවාදී කාර්යය තමන් මැද පන්තික නොවූවත් මැද පන්තික ලෙස හැසිරීමට හැකි බව කියා පාඨමාලා ගාස්තු අයකරගෙන ගමේ ගොඩේ තරුණ තරුණියන් ඇන්දවීමයි. කඩේ යැවීමයි. දීප්ති හිතන්නේ තමාගේ දේශපාලන කාර්යය ගමේ ගොඩේ තරුණ තරුණියන් තම ගුහාවට ඇද ගෙන ඔවුන් බලාත්කාරයෙන් ශිෂ්ට කිරීම කියායි. අනුන් ශිෂ්ට කරන්නට යන්නා පළමුව තමා ශිෂ්ට විය යුතු නොවේද? දීප්ති තම දේශපාලන සතුරන්ට එල්ල කරන නින්දිත මැර ප්‍රහාර පෙන්වන්නේ දීප්ති ගේ අශිෂ්ට කම නොවේද?
දීප්ති කියන්නේ තමා දුන් පුහුණුව නිසා සුමිත් චාමින්ද අද සැබෑ මධ්‍යම පංතිකයෙකු වී ඇති බවයි. සුමිත්ට මේ හැකියාව ලැබුනේ දීප්ති නිසා නොව නොර්වේ යාම නිසා තවත් අය කියති. වෙනත් අය කියන්නේ සුමිත් සැබෑ මැද පංතිකයෙකු වූයේ නිෂාන් අයිසීඊඑස් ආයතනයේ පිහිටුවා තිබූ finishing school එකේ මැද පංතික තරුණියන් ගේ සාද ඇසුර නිසා කියායි. අදටත් සුමිත් ආසියාවටම උපායික විශ්ලේෂණය (විචාරය නොවේ) සපයන නිෂාන් ද මෙල් ගේ Verité Research ආයතනයේ දේශපාලන පර් යේෂණ අංශයේ ප්‍රධානියා ව සිටින්නේ ඒ නිසා විය යුතුය. දීප්ති වගේ නොව සුමිත් ස්විට්සර්ලන්තයේ සහ එංගලන්තයේ පවා finishing school වලට යාමේ භාග්‍ය්‍ය ලබා ඇත. ඔහු තමන් ප්‍රධාන සංස්කාරක පදවිය දරන Praxis සඟරාවේ සහ ඩිස්නිලංකා වෙබ් අඩවියේ පෙන්නුම් කරන්නේ මෙම ශිෂ්ටත්වයයි. නිෂාන් ගෙන් උගත් දේශපාලන පර් යේෂණ කෘතහස්තභාවයයි. එපමණක් ද ඔහු ගෙන් බූන්දි කන තරුණ පිරිසක් ඔහුගේ මෙම ශිෂ්ටභාවය වෙනුවෙන් ඔහුට නිරතුරුවම ස්ත්‍රෝත ගායනා කිරීම සඳහා සාහිත්‍යමය වෙබ් අඩවියක් ද පිහිටුවා තිබේ. ඉතින් මෙබඳු ආසියාවම පිළිගත් ශිෂ්ට දේශපාලන පර් යේෂකයෙකු තම විප්ලවවාදී පක්ෂයේ න්‍යාය පිළිබඳ උපදේශකයා ලෙස පිළිගැනීමට පුබුදු ජාගොඩ නොපැකිලීම පුදුමයක්ද? සුමිත් ගේ පශ්චාත් දේශපාලන ධර්මය අසා අමන්දානන්දයට පත් පුබුදු ලා ගේ පෙරටුගාමී පක්ෂය සුමිත් ගේ න්‍යායික උපදෙස් අනුව දීප්ති ගේ රාත්‍රී භෝජන සංග්‍රහ පක්ෂයේ නමත් හොරගෙන දේශපාලනය කරනවා වෙනුවට සන්නස්ගල ප්‍රචාරක සාහිත්‍ය සංගමයක් බවට පත් වී ඇතැයි ජේවීපී කාරයන් ප්‍රචාරය කරන්නේ ඉරිසියාවටයි. ජේවීපී පෙරටුගාමී ගැටුමෙන් අනාථ වී සිටින වාම වලිප්පුවාදීන් දැන් දීප්තිගේ finishing school එකට බැඳෙමින් සිටිති.
දීප්ති ගේ මෙම finishing school එකේ පුහුණුව නිම කළ 145 කට ආසන්න පිරිසෙන් සුනාමිය දා පැවැත්වූ උපාධි ප්‍රධානෝත්සවයේදී 140 ක්ම නික්ම යාම (ඉතිරි වූ පස් දෙනාගෙන් අනූෂා ඇරුණු විට කෝදාගොඩ කෙළින්ම ස්විට්සර්ලන්තයේ ම finishing school එකකට ගියේ පශ්චාත් උපාධිය සඳහා යැයි තරහ කාරයෝ කියති. ) පිළිබඳ දීප්ති ට මහත් ආඩම්බරයක් ඇති බව මෙම පාසලේ දීප්තිමත්ම ශිෂ්‍යයෙකු ලෙස මනා දීප්තිකරණය කට ලක්වූ බව ක්‍රියාවෙන් අදත් ඔප්පු කර සිටින සුමිත් චාමින්ද ඇගයීමට අවුරුදු 09 කට පසුව ත් දීප්ති පෙරමුණ ගැනීමෙන් ඔප්පු වෙයි.
දීප්ති ගේ finishing school එකේ පාඨමාලා අධ්‍යක්ෂ මහින්ද ප්‍රියදර්ශණ දැන් කොහේද?
දීප්ති ගේ පශ්චාත් ලකානියනු විප්ලලවවාදයට අනුව ‘එක් මිනිසෙකු වෙනස් කිරීමෙන් මුළු සමාජයම වෙනස් කළ හැකිය.‘ මේ ලිබරල්වාදී චින්තනයයි.
එක්ස් ෆයිල්ස් 