අන්තර්ජාලයේ වෙබ් අඩවි ප්රවෘත්ති සඟරා/ පත්තර / සංස්කාරක සහ සඟරා / පත්තර සංස්කාරක තනතුරු සඳහා ඇබෑර්තු තිබේ. 2030 ලංකා වසන්තය වෙනුවෙන් ලාංකේය තරුණ තරුණියන් සහ අන්තර්ජාලයේ කාලය ගත කරන සිතින් තරුණ වැඩිහිටියන්ද වයසක අයද අවශ්ය අවස්ථාවේදී නාගරික ගරිල්ලා විප්ලවය අනුව යමින් පාරට බැස්සවීම සඳහා ඔවුන් අන්තර්ජාලයට ඇද බැඳ තබා ගැනීම ට වෙබ් අඩවි ප්රවෘත්ති සඟරා/ පත්තර සහ මුද්රිත සඟරා/ පත්තර පළ කිරීම සඳහා editor in chief / සංස්කාරක තනතුරු සඳහා ඇබෑර්තු තිබේ.
අපි ප්රකාශන ෆෝර්මැට් එක සපයා පළකිරීම සංවිධානය කරන්නෙමු. දේශපාලන ප්රවෘත්ති සදා දෙන්නෙමු. ඔබට සහායට පළමුව සහායකයන් දෙදෙනෙකු ද සපයා දෙන්නෙමු.
ඔබේ වගකීම වන්නේ සතියකට අඩුම ගණනේ කතන්දර දෙකක් ලියා පළකරමින් ආරම්භයේදී දිනකට අඩු ගණනේ hits දහසක් වත් එන ආකාරයට ඒවා ලිවීමයි. එයින් පසුව වැඩිවන හැම හිට් එකකටම ඔබට සහ කාර්ය මංඩලයට බෝනස් ගෙවනු ඇත.
අකුරු ලිවීමේ හැකියාවට අමතරව දෙපිට කැපෙන කුණුහරුප හෝ ඊට සමීප භාෂාවක් පාවිච්චි කිරීමේ හැකියාව මෙම තනතුර සඳහා සුදුසුකමක් වනු ඇත. තමන්ගේ ගෙදර ප්රියාදරියගෙන් හෝ දුවා දරුවාගෙන් වසන් කළත් වැඩිපුරම සුදු ස්ත්රීන්ගේ අවයව විදහා පෙන්වන නිරුවත් ස්ත්රී ඡායාරූප ස්ත්රීවාදයේ නාමයෙන් ඔබේ වෙබ් අඩවියේ අලෙවිය නංවා ලීම සඳහා නිදහසේ යොදා ගත හැකි පශ්චාත් නූතන එඩිතරකමක් තිබිය යුතුය. පවුල රැක ගැනීම සඳහා න්යාය සපයන අතරේ සනත් ගෙන් දික්කසාදය ඉල්ලා සිටින සැන්ඩ්රා තම සුනඛයා සමඟ සිටින ඡායාරූප වැඩි යමක් ඇඟවෙන සේ පළ කළ හැකි වීමේ ආදර්ශය අනුව යාමට තරම් පෙරටුගාමී විය යුතුය. එහිදී සැන්ඩ්රාගේ දරුවන් පිළිබඳ ආචාර ධර්මීය භාවය 2030 ලංකා වසන්තය වෙනුවෙන් කැප කිරීමට හැකි විය යුතුය. ඔබේ සඟරාව/ පත්තරය නාගරික ගරිල්ලා විප්ලවයෙන් පසු ගොඩ නඟනු ලබන නව සමාජයේ නව මිනිසා ගේ පාඨක ප්රේක්ෂක රුචිකත්වයන් ට ගැළපෙන පරිද්දෙන් ඔබේ වෙබ් අඩවියේ අන්තර්ගතය ‘ජනරළ‘ත් ‘ලංකා‘ ත් ‘රාවය‘ත් ‘රිද්ම‘ ත් ‘ප්ලේ බෝයි‘ සගරාවත් සියල්ලේ හරය එකට කැටිකර ගනිමින් සකස් විය යුතුය.
කාගෙත් බලාපොරොත්තුව වන රාජපක්ෂ රෙජීමය හැඳි ගෑවී යාමට දායක වන පරිද්දෙන් සෘජුව සහ වක්රව පුවත් සහ කතන්දර පළ කරන අතරතුරම මංගල සහ රනිල්ට විරුද්ධ කිසිවක් තම අඩවියේ පළ නොකිරීමට වල බලා ගත යුතු අතර ජවිපෙ සහ සමාජවාදී පෙරටුගාමී පක්ෂවලට සපෝට් කරන බව අඟවමින් ඒවාට හීන් නූලේ ප්රහාර එල්ල කරමින් ලාංකේය වමේ නව නායකයා ලෙස දීප්ති උඩ දමන වැඩ පිළිවෙළ subliminal message එකක් ලෙස සියුම්ව ඉදිරිපත් කළ හැකි විය යුතුය. Subliminal වැඩට හැකියාව නොමැති නම් එළිපිටම හෝ එය කළ යුතුය. මන්ද යත් 2030 ලංකා වසන්තයේ සාර්ථකත්වය දීප්ති ගේ උපායික සහ න්යායික නායකත්වය මත රඳා පවතින හෙයිනි. දීප්ති නිමල්කා ගේ අලුත් උදෑසනක් අධිවේගී මාර්ගය විවෘත කිරීමේ රැස්වීමේදී ‘නායකයා කවුද?‘ යනුවෙන් වොයිස් ක්ලිප් එකක් දෙමින් රනිල් ට තල්ලුවක් දුන් ආකාරයට ව්යංගයෙන් රනිල් සහ මංගල ගේ ප්රතිරූප නඟා සිටුවීම කිරීමට දායක විය යුතුය.
ඔබට මෙම සුදුසුකම් සපුරා ලීමේ හැකියාව ඇතැයි ඔබ සිතන්නේ නම් ‘සමාජ විචාර‘ භාරේ ‘රුවන්‘වෙත ඉල්ලුම් කරන්න.
හැකියාවක් නැතත් මෙම තනතුර භාරගන්නට කැමති නම් එයම පමණක් වුව සුදුසුමක් ලෙස සළකා අපි ඔබට තනතුර දෙන්නෙමු. එවිට රාජපක්ෂ රෙජීමයට උග්ර විරෝධයක් ඇති කොල්ලන් කෙල්ලන් දෙන්නෙක් ලවා වැඩ කරවා ගෙන ඔබට ප්රධාන කර්තෘ ධුරය දැරිය හැක.
මන්ද විප්ලවය තව දුරටත් පමා කළ නොහැකි හෙයිනි. ඇමතිකම් නැතිව මංගල කොතෙක් නම් කල් එලියේ ටැග් ගැහෙන්නද?
පසු පුවත
‘වෙබ් ගෝඩ් ෆාදර්’ ලෙස මාධ්ය ක්ෂේත්රයේ ප්රසිද්ධියට පත්ව සිටින රුවන් ෆර්ඩිනැන්ඩස් විසින් ‘ලංකා හෙරල්ඩ් (lankaherald.com) නමින් අලුත් වෙබ් අඩවියක් අද සයිබර් අවකාශයට මුදාහැර ඇත.
‘ශ්රී ලංකා මිරර්’ වෙබ් අඩවිය ප්රකාශයට පත්කරන ‘ද තින්ක් ටෑන්ක්’ සමාගමේ ප්රධාන විධායකයා ලෙස මෑතක් වනතුරුම කටයුතු කල ඒ මහතා ‘ලංකා හෙරල්ඩ්’ නමින් නව මාධ්ය ආයතනයක් පිහිටුවා මෙම වෙබ් අඩවිය ආරම්භකර ඇත.
සිංහල හා ඉංග්රීසි මාධ්ය දෙකින්ම පලවන මෙම වෙබ් අඩවියේ කතුවරයා ලෙස කටයුතු කරන්නේ, ‘රාවය’ පුවත්පත් සිටි ජේෂ්ඨ මාධ්යවේදියකු වන ජයසිරි ජයසේකර මහතාය.
මාධ්යවේදී බාසුරු ජයවර්ධන මෙම වෙබ් අඩවියේ ප්රවෘර්ති කර්තෘ ලෙස කටයුතු කරන අතර ජයසිරි අලවත්ත, කේ.කේ. සමන් කුමාර, කැලුම් අමරසිංහ හා තුසිත බාලසුරිය සෙසු කර්තෘ මණ්ඩල සමාජිකයින්වේ.